चंद्रकोर चिन्हांकीत अर्धी शिवराई
चंद्रकोर चिन्ह असलेली अर्धी शिवराई. शिवराई नाणी प्रकारात अर्धी शिवराई कमी प्रमाणात आढळून येते. श्री आधी चंद्रकोर चिन्ह असून त्याच्या भोवती अखंड रेषेची बॉर्डर आहे. दोन्ही बाजू स्पष्ट. नैसर्गिक काळपट तपकिरी रंग.
नाणे फोटो प्रमाणे.
वजन : ग्रॅम ४.३१०

Rare तीन दांडी नमुना शिवराई. दुर्मिळ प्रकार. शिवराई मध्ये श्री या अक्षराच्या खाली दोन आडव्या रेषा आढळून येतात, पैकी एक रेषा राजा या शब्दाची शीर्ष रेषा असते. या प्रकारास दुदांडी नमुना शिवराई असे म्हटले जाते. या शिवराई मध्ये श्री अक्षराच्या खाली तीन आडव्या रेषा स्पष्ट दिसत आहेत. दुसरी रेषा ही राजा या शब्दाची शीर्ष रेषा असते, त्यामुळे या रेषेला चिकटून राजा हा शब्द असतो. परंतू या शिवराई मध्ये दुसऱ्या आडव्या रेषेला लागून राजा हा शब्द नसून त्या रेषेच्या खाली आणि एक आडवी रेषा आहे. श्री चे अत्यंत वेगळे लिखाण. श्री आधी पोकळ गोलात डॉट असलेले चिन्ह, श्री नंतर चंद्रकोर, छत्र वर आडवी चंद्रकोर. दोन्ही बाजू अत्यंत स्पष्ट आणि ठळक. नाणे फोटो प्रमाणे.
वजन : ग्रॅम १०.३४०