Rare तीन दांडी नमुना शिवराई. दुर्मिळ प्रकार. शिवराई मध्ये श्री या अक्षराच्या खाली दोन आडव्या रेषा आढळून येतात, पैकी एक रेषा राजा या शब्दाची शीर्ष रेषा असते. या प्रकारास दुदांडी नमुना शिवराई असे म्हटले जाते. या शिवराई मध्ये श्री अक्षराच्या खाली तीन आडव्या रेषा स्पष्ट दिसत आहेत. दुसरी रेषा ही राजा या शब्दाची शीर्ष रेषा असते, त्यामुळे या रेषेला चिकटून राजा हा शब्द असतो. परंतू या शिवराई मध्ये दुसऱ्या आडव्या रेषेला लागून राजा हा शब्द नसून त्या रेषेच्या खाली आणि एक आडवी रेषा आहे. श्री चे अत्यंत वेगळे लिखाण. श्री आधी पोकळ गोलात डॉट असलेले चिन्ह, श्री नंतर चंद्रकोर, छत्र वर आडवी चंद्रकोर. दोन्ही बाजू अत्यंत स्पष्ट आणि ठळक. नाणे फोटो प्रमाणे.
वजन : ग्रॅम १०.३४०

रेट्रो छ, चौकोनी शिवराई
छ या अक्षरांचे लिखाण उलट, आरश्यातील प्रतिमेप्रमाणे असून, छत्र या शब्दाला शीर्ष रेषा नाही. छ चे अत्यंत वेगळे लिखाण. श्री या शब्दाला रकार नाही, आकार लहान. शिव ऐवजी रिव असा शब्द आहे. श ची गोल गाठ नाही. शिवराई चा आकार चौकोनी असून गोलाई असलेला आहे. दोन्ही बाजू अत्यंत स्पष्ट.
नाणे फोटो प्रमाणे.
वजन : ग्रॅम ९.६८०